Co-working space 都有好野食？- 泰妹
放左工去觀塘join 活動，玩完之後想搵野食。望住大廈個水牌諗住都冇咩好野食喇。快快手食完就番去咁，點知都唔係太差喎。 泰式小食拼盤 食泰式野真係諗都唔駛諗，直接叫番個小食拼盤先。咩小食都有d，唔駛爭亦可以每樣試少少咁。但咁多小食入面筆者又覺得邊樣好食D 呢？我會答你: 樣樣都咁正！ 泰式彩虹粉 筆者之前都未食過，所謂原來係加左少少顏色既闊邊河粉，咁大塊河粉食起黎好有質感。加上肉丸，魚蛋，豬紅，炸雲吞等多種配菜，夠哂豐富。 海南雞飯 招牌菜之一，雞肉口感鮮嫩，加上黄油飯做最佳拍檔，味道自然冇得彈喇。 食飽之後仲有特飲青檸梳打同洛神花茶 Lunch 仲有豐富套餐 泰妹 電話: 51159999 營業時間: 星期一至日 11:00 - 22:00 地址: 觀塘興業街4號The Wave 1樓103號舖
