阿麥西餐私房菜 - 阿麥廚房

今次約左friend 去銅記食飯。我比佢發板，佢就帶左我黎搵阿麥

店內佈置風格簡潔，仲有D 藝術氣息

點左兩個晚餐後，Caesar salad 等左一陣就到。沙律黎講味道幾好，生菜好爽脆，加埋有煙肉同麵包粒等配料，味道唔太單調。

沙律過後仲有兩個前菜，一個係鵝肝多士配藍草莓醬。輕輕煎過的鵝肝未食已經聞到一陣鵝肝既香氣，加上脆口既多士同富果香味既藍莓醬，令人回味。

另一道前菜係大蝦占米多。一隻新鮮大蝦加上蘑菇同埋惹味醬料，口感爽口，味道濃郁！真係恨不得快d 有飯或意粉搭食。

食完前菜之後就到餐湯。呢個南瓜蟹肉湯南瓜味很清甜，好易入口。蟹肉令清新既南瓜湯多左一重刺激，感覺幾新鮮。

另有黑松露忌廉湯，黑松露既“石油味” 比平時既黑松露湯較為濃烈。筆者不太抗拒黑松露，所以感覺還好。湯中仲有野菌粒，可以話係“落足料”

飲完黑松露湯就到黑松露飯喇！呢個帶子野菌黑松露飯有兩粒大大粒帶子，輕輕煎過幾香口，食落幾有咬口。黑松露配上意大利飯，飯粒較硬身，味道唔錯。

仲有重量級咸豬手。外面香脆惹味，入面啖啖肉。加上外脆內軟既鮮炸薯條，食到筆者同朋友捧住個肚走！

阿麥環境幾有格調，野食又好大份，銅鑼灣既朋友不妨一試。