高質水產, 服務幾好 - 極上龍吟水產海鮮盛丼專門店

去開旺角金魚街又想食日本野，於是就去左呢間名都架勢過人既日本料理店。

一入到去眼見只有兩個店員，但要照顧全店既客人，其中一位以極速招呼我坐低之後又要去招呼其他客人，佢地既速度都係極速既！筆者不得不佩服。

呢間店都係主打海產丼飯，選擇都幾多。叫個平價丼飯再食下刺身都唔錯。

首先叫左個灸燒三文魚壽司做前菜。三文魚剛好燒成半熟半生，表面熟，底下生。一軟一硬既口感幾好，可惜只有一件。

主食筆者就叫左個三文魚海膽盛丼飯。三文魚生非常新鮮，魚身紋理均匀。食落口感幼嫩，仲有輕輕一陣油脂慢慢滲出。海膽不太腥，味道清淡，好喜歡呢種口感。仲有隻糖心蛋，煮成半熟狀態既蛋最正，要一口食完又得，用黎撈飯亦得。加番少少豉油同wasabi 食真係一轉眼就食哂，真係想叫店員添飯呢。

平日都没有特别留意店員既舉動，但呢間店既店員好細心，亦好快手。有咩需要都會照顧得到，好似見你個杯冇茶都會主動補充。食客們品嘗美食既同時亦可以留意一下，對佢地表示一下謝意。

最後比個主食menu 大家參考一下。

                          店名: 極上龍吟海鮮丼專門店

                          餐廳類型: 日本菜 / 海鮮

                          地址: 太子西洋菜南街200號地舖