又話素食點解有漢堡既？！ - 2DP

尖東厚福街多野食就大家都知架喇，見到2DP 間鋪裝修得咁靚，真係差d 以為只係食高檔西餐同甜品。如果你咁諗既話，你只係啱左一半。因為呢間野其實係素食店黎，真係估都估唔到。


叫左個Burger 諗住試下，睇落硬係唔似係素，我同個fd 都半信半疑咁，直到食落個下先知真係素。

就咁睇個樣真係好似漢堡，完全呃哂人。 

我同個Fd 食左好耐都未食到個漢堡用咩整，直到我睇到個餐牌，入面係用左好幾種原料，唔怪之得。 

Burger 材料大解構

除左漢堡之外仲有素菇菠蘿沙律。素菇幾有口感, 比平日食既菇更入味。加上菠蘿, 生菜, 麵包粒等配料, 清新又健康。

飲品方面, 筆者就覺得呢個火龍果乳酪冰健康得黎又清新, 啱哂想食好野又驚太肥既女性朋友。

唔想飲到成口冰既可以考慮下呢杯水果茶。加入左各種新鮮水果，解渴得黎又潤喉。

素食黎講2DP 既環境同食物質素都好有驚喜，有素食習慣既朋友會幾鐘意。不過收費就相對會高少少。如果比較大食既朋友就唔太建議過黎食喇。