用心製作 用心感受 - 心之食堂

銅記有間平日唔太多人既 Cafe，整D 野食都幾用心, 但係就唔似得旺角個D 樓上Cafe 咁旺場。難得比我搵到D 咁高質既Cafe，就梗係要約D Friend 上黎嘆下喇。

心之火焰鐵板牛柳粒

本身個款已經擺得好型好架勢，之後店員過黎點一點火，即刻一陣火焰 (放心，唔會到燒到你既)，將牛柳串燒燒到熱辣辣，好有BBQ 既風味。

記得一定要趁熱食，牛柳肉質好鮮嫩，加埋三色椒同各種香料真係好惹味。

邪惡包

享受帶子夾住鵝肝邪惡得黎又好好食既口感。

李小龍卷

加洲卷加上炸蟹鉗， 口感新鮮香脆。

心之蛋卷(芝心海苔蛋卷)

厚厚既蛋皮包住流心芝士，明知好邪惡但又停唔到口 > < (口水直流...)

原條鰻魚石鍋飯

如果食完咁多野都覺得唔飽肚既話，你一定要叫個鰻魚石鍋飯。成條鰻魚上，加埋成鍋珍珠飯，想唔飽都難!

最後補番張店內環境，其實都幾有品味。

去開時代廣場附近既過黎食下喇，包保唔會後悔。

心之食堂

電話: 23211880

地址: 銅鑼灣耀華街3號百樂中心12樓1203室