細味德國風味 - 德國餐廳

平時食好多日韓西菜，德國菜真係幾少食。今次就搵左個讀大學個陣既師兄聚舊，一齊嘆下德國啤。

今次唔志在食飽肚，反而想食少少飲下野吹水就算，所以我地都係咁而叫左個ribs 加薯菜就算。塊Rib 加左d 燒汁，燒過後有BBQ 既惹味口感，加上些許肉汁同油份，真係食到停唔到。薯條做到外脆內軟既口感，完全發揮到粗薯條既特點。

食完野就梗係要飲番兩杯喇。前面個杯係Weissbier，麥味重d 既德國啤，飲落去幾暢快。後面細杯既係香港本地製既手工啤，加左陳皮同橙皮釀製，果香味會重d, 口感亦相對較清淡。

因為真係有一段時間冇見過師兄，一路傾一路飲德國啤，唔覺唔覺就兩個鐘。談話既內容都由吃喝玩樂變成生活苦況，有咩搵錢大計等等。大家既變化都好大，各有自己難處，只好大家互相鼓勵，繼續加油吧！

德國餐廳

電話 : 24780499

地址: 元朗建業街80號聯發洋樓地下4號舖