保齡球場最佳加油站 - EC Kitchen

去完灣景打保齡後想補充能量而又唔想行咁遠，直接同好友係保齡球場上層的餐廳填飽肚好了。

原本以為冇咩特别，一食之下發現出事。手打漢堡太有驚喜，真係有d 上左癮。

第一次食羊肉漢堡，感覺幾新鮮。羊肉很大件，煮得不是很熟，仍能保留原有肉味。一咬之下，肉汁不斷流出，想截住肉汁時已經瀉出來！

另外一個流心芝士牛肉漢堡更是不得了。鬆軟的牛肉不斷流出肉汁，咬到中間更有大量的流心芝士！作為芝士控既我甚是歡喜，太正了！

除了漢堡，亦有肉醬芝士薯條和洋葱圈等小食，都非常香脆可口。最後加上兩杯果汁，食飽飽 !

如果去個頭打完波一定要再食過！