泰式泰廚泰國風 - 泰廚泰國菜館

九龍城食泰國菜就出哂名，如果唔想走到咁入又有冇好介紹？去開旺角既話小弟就有好介紹

係太子同旺角交界既泰廚泰國菜館，專食正宗泰國菜，菜式多又好味，七點幾已經好多人係外面排緊隊。

首先黎個小食拼盤，有串燒，有炸春卷，有蝦片。每樣有少少，試到味又唔太飽肚。雞串燒真係做得好好，椰汁沙嗲醬配上新鮮燒好既雞肉，令人食過番尋味

之後有乾咖哩牛肉，加左椰汁既咖哩發出陣陣椰香，加上白飯極為開胃。

呢個泰式蝦醬炒飯新鮮熱辣，內有多種配料，包括泰式香料，豆角，洋葱，小蝦米，肉鬆等等，各種味道混合係整個炒飯之中，令整個飯既味道非堂豐富，令人一試難忘。

食過咁多美食之後，當然要飲番個冰涼清爽既椰青。椰青超多水，椰肉亦好多，小弟食得十分滿足。

 下次如果想食泰國菜，又唔想專程入九龍城既話識去邊度喇 ？