寫意。美食。好時光 - 夏捌月

為左慶祝生日，專程搵左間幾好既餐廳。

最後揀左呢間小店, 位置比較偏，所以環境都份外寧靜。

餐廳唔算好大，但都可以應付大約十枱客人。

店內亦有特色佈置，好似Taylor swift 同 Star wars 複製人士兵既楷磚畫咁

餐牌亦用複古羊皮紙風格設計

菜式選擇不多不少, 啱啱好

叫左幾個晚餐，餐包有好多蒜蓉醬，成片都係黃色，好脆好香。忌廉湯濃得黎又唔係太傑，幾好。

食完前菜，輪到主菜西冷扒配薯菜。西冷扒唔算好大塊，但勝在夠厚，廚師剛好捉緊時間，將牛扒煮到內生外熟既效果。牛扒的肉汁和鮮味仍能得以保留。

牛扒煮得好好，色擇均匀！

另外仲有超巨型咸豬手！！！上碟個一刻見到隻豬手真係超興奮！！成隻豬手足足佔左大半隻碟，真係可以兩個人share 食。情侣或大人同細路一齊兩份食就啱哂。

因為咸豬手係炸既關係，會有d 乾，建議加多少少汁一齊食。豬手皮非常香脆，中間仲有好大舊軟骨，有d 肥但好滑，配埋咸咸地既豬手肉就啱哂。

餐飲方面，可以試下呢到既凍奶茶，咖啡或者朱古力。全部都係玻璃樽裝既，份外好看。佢地全部都冇落冰，唔會沖淡左原有既味道。我地叫左凍朱古力，好濃好滑！

唔理係飲酒定凍朱古力，一樣可以…飲勝！

呢餐生日飯真係食得好開心, 可以同屋企人寧靜地度過一個晚上, 好好享受小店既各種美食，好難忘 !