好睇又好食既四川麵館 - 佐料佑麵

呢排天氣有d 凍，想食番d 暖野於是就入左去呢間四川麵館 “取暖”

一般川菜麵館係普遍人眼中係一種唔太衞生，裝修簡陋既地方，呢到啱啱相反：裝修簡潔得體，光線充足，令人非常醒神。

呢個桂魚麵係招牌麵黎，魚肉片都非常爽口鮮甜。湯底一d 都唔辣，只係有少少酸，係一般川菜煮法。呢個麵完全改變哂一般人見到川菜就一定係辣野既諗法。

唔怕太油膩既亦可以食呢個手撕雞拌麵。呢個麵唔單只雞肉落足料，其他配料都落得好足，淨係配料疊起仲高過隻碟。d 雞肉好幼嫩，加埋花生同手撕雞既醬料，十分惹味。不過會有d 油膩同飽肚，食家們想叫要留意。

之後為左更加暖胃，叫左呢個招牌小菜 蒜泥白肉。睇落好似好辣咁，其實多數都係得個樣，反而蒜味比較重。白肉不太厚，肉質軟熟，加上蒜泥會多左一種微辣同蒜香，配埋熱辣辣湯麵一齊食，成個身都暖笠笠。

飲品方面，可以飲下長白山酸梅汁，清熱降火。食得太油膩太辣都冇友怕！

另外仲有健康水果茶，酸酸甜甜幾開胃。

以後冬天想食好麵又多個選擇喇 :)