主打食火鍋？！ - OCIO

因為去大圍探朋友既關係，順道揀左間餐廳食火鍋。咪住！明明係甜品店，那來的“火鍋”？！

睇完Menu，哦～ 原來係抹茶朱古力火鍋…

下午茶時間唔太肚餓又唔太飽，食甜野就最好。

食火鍋之前食番個蜜瓜雪糕窩夫先。窩夫幾脆口，加番d 蜂蜜甜甜地幾好。食窩夫有d 乾口？雪糕剛好解決左呢個問題，而家天氣熱熱地，食番個雪糕簡直係賞心樂事。

食完窩夫，終於到抹茶朱古力火鍋！睇下有咩配料先？有健康既水果，雪糕糯米滋，棉花糖同窩夫。平時食朱古力火鍋甜椰椰，好有罪惡感咁。呢個抹茶火鍋就冇淨朱古力咁甜，仲有一陣抹茶清香，正！個人覺得棉花糖同雪糕糯米滋配抹茶朱古力個效果最好。如果想食多d 朱古力記得浸深d，朱古力有時會沉哂底；淨係想食下抹茶 “湯底” 的話就輕輕一浸好了。真係覺得湯底太濃的話可以浸完抹茶湯之後再點一下白色既淡cream，味道會冇咁濃。

血拼完一個火鍋之後，飲番個芒果沙冰cool down 一下先。味道唔算好甜，有淡淡芒果香，消暑降溫一流。

店名: OCIO

餐廳類型: 多國菜 甜品/糖水

地址: 大圍積存街74-76號地下A舖