低溫慢煮下的美食 - 慢煮工業

平日經過一天既辛勞之後，特别想搵d 好野食慰勞一下自己。忙足一日之後突然見到間主打慢煮菜式既餐廳，諗都唔諗就入左去食。皆因筆者都想感受一下 “慢” 既產物會係點。

坐低點完餐等左一陣終於有野食，正！第一樣係慢煮漢堡，有兩塊又大又厚既漢堡扒，一咬落去勁多肉汁！！！漢堡表面仲有輕輕煎過所以有一種香脆既口感，加上幾片蕃茄同生菜平衡一下過重既肉味，成個漢堡食我口水直流。

食完漢堡就到主菜燒烤拼盤喇。我地叫左豬仔骨拼牛仔骨。豬仔骨加左燒汁係面，味道好正，肉質唔太乾，仲有少少肉汁。牛仔骨相對乾同厚身，建議加番少少黑椒汁食用。拼盤仲有隻溫泉蛋，蔬菜同粟米，唔會怕太多肉變左食肉獸。驚唔太飽亦會有d 粗薯條幫手填滿你個肚，包你食飽飽。

最後當然唔少得一人一支既Cider 喇。Cider 都有好多隻味，筆者同個friend 試左apple cider 同 lemon cider。Lemon 味道酸d，Apple 有陣好清新既青蘋果味。食家們可以因應各人口味選擇。

餐廳環境幾有情調，店主應該花左唔少心機去佈置店面。

連餐具都好有特色。鋸肉用既刀好似斧頭，非常有趣。

漢堡上既竹籤亦造得好有風格

想食慢煮菜式既呢間餐廳都唔錯，質素高，環境有情調，價錢可以接受。去太子食野既話可以諗諗佢。

店名: 慢煮工業 Under Vacuum Hangout
餐廳類型: 慢煮西式扒房
地址: 太子白楊街15-19號萬安大樓地下及1樓