烤一條好魚 - 坂奈御膳

工作到6, 7點，仲要上多個course，终於有時間食晚飯。行到呢間坂奈門口，睇佢一種日式風格既小店，令筆者都想入去試下有咩好野食。入到去先知原來呢間小店主打烤魚御膳，御膳即係類似定食個種日底套餐。

呢到有好多種烤魚選擇。其中有一樣叫 "馬友"，但筆者對魚既認識唔多，而店員又推薦，咁不如就試下喇!

烤魚沒有想像中的快，要串好一條魚，整齊咁放上去個烤架度，慢烤一段時間先可以烤出一條好魚。中間過程可能需要一D 時間，所以各位記住要耐心等待。

等左一段時間，終於有得食喇!!!

前菜 - 魚子帶子粒

呢條就係馬友喇! 雖然個外觀唔太吸引，但口感一流。外面因為經過一陣烤製關係，口感份外香脆 ; 內裡肉質就非常新鮮，仍然能夠保持魚既鮮味。如果係平日既烤魚，早就燒到乾哂。有需要仲可以加多少少檸檬汁調下味。

除左魚之外，仲有個清湯牛腩，味道好清，肉質好淋。配飯食特別開胃。呢餐真係好味到筆者食左兩碗飯。順帶一提，呢到係可以添飯既，如果食量大既隨時歡迎。

食左兩大碗飯之後，終於清哂D 牛腩同烤魚。兩樣都係好出色既菜式，食到筆者好滿足。最後飲番個味噌湯就完成整個御膳。

食飽飽之後最好就飲番兩杯。呢到好多酒選擇，店主就推介左柚子梅酒同柚子檸檬酒。筆者淨係試左柚子檸檬酒，味道酸酸澀澀，非常開胃。食主菜前飲就最適合。

菜式唔算好多，但都係大師傅精心製作。師傅話呢D 咁好食既烤魚係一班好有經驗既老師傅先整到，冇咁多經驗都好難做到咁既效果。

時令烤魚價目表

                                            店名: 坂奈御膳

                                            餐廳類別: 日本菜，烤魚

                                            地址: 銅鑼灣謝斐道468號百達中心地下E號舖