冬天食最暖笠笠 - 麵屋 元祖達摩

今次食好野食到去大埔，無非都係為左搵個fd 攞手信。既然一揚黎到就梗係順便睇下有咩好野食喇。冬天天氣凍凍地，一於食番個拉麵暖下肚喇。

白河達摩 北海道3.6 牛乳拉麵

奶白色既湯底，完全冇諗過可以用牛乳整拉麵。剛好感受到牛乳味道又不會太over，相對平日豬骨湯底清新得多。

雪達摩 櫻花蝦味噌拉麵

湯底非常濃郁，加上櫻花蝦，味道更為濃烈。食開濃味既朋友應該會幾鐘意。

餃子和雞軟骨餃子

餃子煎完之後香脆可口，加上特式醬汁味道更豐富。雞軟骨餃子炸得比較徹底，雞軟骨令餃子更為有咬口，比一般餃子特別，可以一試。

    麵屋 元祖達摩

    電話: 23611112 / 23611116

    地址: 大埔太和路15號太和中心地下12號舖