感覺溫暖又有情調 - Home sweet home

做左成日野攰到死，最好就梗係番去溫暖的家喇呵？但如果有間餐廳做到家的感覺之餘又唔駛自己煮呢？Home sweet home就正正做到呢種感覺。

“Home...sweet home~” 平時係外國電影電視劇就成日聽，但就真係冇諗過可以將呢種sweet home 作為餐廳主題。

六道風味晚餐好似都幾抵食，由前菜到主菜一共有6樣野食。

前菜有手指多士，凍蝦同埋意大利雜菜湯。份量唔算好多，每樣少少咁樣打下底，之後準備食主菜就啱啱好。

法式羊鞍

口感幾嫩口，煮得啱啱好。加上肉桂蘋果醬，食落味道帶d 甜味，感覺幾特别。

黑松露煙燻BB 春雞

淨係外型都已經贏左。用左呢個精美鳥籠作佈置，令整體觀感有所提升。BB雞用香料同黑松露配搭，令味道喚然一新。

驚唔識切開隻雞？唔驚，店員會幫忙切開，方便各位識食客人。

最後飲番杯花茶，清新又健康

總結整體環境唔太嘈，價錢可以接受，想靜靜地同朋友或者情人享受寧靜時光會係唔錯既選擇。

晚飯菜單

                     Home Sweet Home

                     電話: 27940095

                     地址: 太子基隆街13號永基樓地舖