廚藝功夫幾到家 - 新蒸武門

約得朋友去觀塘食野就梗係要去下工廈喇。今次個fd 竟然話想食下中菜，咁只好帶佢黎試下呢間中菜館師傅既手勢喇。我個fd 兩個人叫左個 2人套餐，一來唔駛諗，二來每樣菜式都係店主精心揀選既。

荷葉香菇蒸雞

一陣陣香噴噴既荷葉香慢慢慘出，熱辣辣既香菇同嫩滑雞肉令人胃口大開。如果有碗"靚仔" 一齊食就Perfect 喇。

涼拌皮蛋豆腐

清新開胃前菜，凍食感覺幾開胃醒神。

蠔油北菇扣鮑魚

睇落好似好少野咁，但全部都係精華所在。鮑魚細細粒，唔會太頂住個肚，慢慢細味就可以感受到鮑魚同蠔油既鮮味。

蟲草花牛蒡螺片燉豬展 － 是日燉湯

見到個名咁長，唔駛講都係知落足料喇。而家天氣咁凍，飲番足料盅湯即刻暖笠笠。

豉油皇蝦

牛蒡炒龍躉球

用左少少中藥既菜式，龍躉肉質幾好，加上青椒黃椒好睇之餘又爽口開胃，餸飯一流。

蟲草花杞子浸菜

鮑絲蝦仁炒飯

養生茶

一入到去就會有既茶，暖胃又健康。

    新蒸武門

    電話：35656121

    地址：觀塘開源道60號駱駝漆大廈3座1樓Q室