百變素食菜式 - 素食一家

出街食親好東西都係肉多菜少，係時候食得要食番次齋喇! 去到旺角洗衣街竟然比我搵到呢間素食店，一到晚飯時間，食客已經堆滿店舖外面。

入到店內，竟然見到好多好有藝術風格既掛畫，本以為餐廳會用中式傳統裝潢。

店內多以黃色燈光及木色設施為主，比人一種回歸自然既感覺

睇完Menu, 選擇太多，肚子太小，只好叫店員推介

素食店都會keep 住出新菜式, 務求食客對菜式保持新鮮感

等左一陣，第一碟開胃小菜係…刺身拼盤。口感好爽滑，覺得唔夠味可以加少少醬油，效果都唔錯

食完前菜，飲番個竹笙素翅暖下肚，既清新又健康。注意：小心素翅太熱燙咀

暖完胃之後終於到主菜！我同個fd 叫左兩個白飯，配番幾道小菜

第一道係西檸猴頭菇。雖然係炸既，但炸粉不多，炸完既猴頭菇反而更有菇味。配上西檸汁酸酸甜甜既效果幾開胃，食完真係飯都爬多兩啖！

第二道菜係黑松露百寶袋。仲未開始食就已經聞到一大陣 “石油味”，還好我一向唔抗拒黑松露味。相對西檸猴頭菇黎講，百寶袋會係一種咸食，味道幾濃幾重。

百寶袋包得好細心，大大個袋，睇落包羅萬有咁

打開裡面有好多材料：粟米，節瓜，粉葛，蘿蔔等等

因為兩個人既關係，食左兩道菜式已經好滿足。本來以為食既野唔太多，可以再食多d，但原來都好快就飽。好想再試下其他菜式，有機會再試喇