情迷香檳金 - Lab Eat Restaurant & Bar

放工後夜晚約左靚女食飯，揀餐廳又點可以咁求其？搵左一輪先睇到呢間幾有情調既餐廳

餐廳佈置以香檳金為主

因為係Restaurant & bar，一入到去就可以見到好大個靚靚水吧

睇完Menu，食之前叫左支手工啤 - White Pearl

呢支係香港製造既手工啤，body 都幾厚，麥味都幾出，想飲重啤酒味既朋友應該幾鐘意。

香港製造既Sticker

之後睇左D 生蠔，每日都會更新款式

如果唔怕腥既話可以唔加檸檬汁同雞尾醬，海水味會更加出

生蠔都幾大隻

食完生蠔就到 heavy d 既海產 - 黑松露法式田螺！今次未攞隻田螺出黎個陣 d “石油味” 都唔算好勁，一拉出黎之後就不得了。黑松露配以脆口多士既配合好正，多士啱啱好中和左濃味既黑松露，令黑松露味唔會太重

黑松露田螺多士

之後再到D 飽肚d 既牛肝菌意大利飯。睇落平平無奇，食落口個下真係不得了。牛肝菌非常爽口，表面一塊塊既薄片幾有咬口，同Risotto 個醬汁配合得唔錯。搞到筆者愈食愈開胃，好快就成碟清哂

再加多塊10安士既西冷牛扒，5成熟。廚師真係幾有功架，外面剛好煎到微熟，入面肉質就保持到輕微煮熱既淺紅色，仲帶有少少肉汁。配埋薯角同沙律，係唔錯既選擇。

牛扒色擇唔錯！

最後甜品環節，揀左今日既daily cake - 藍莓cheese cake

Cheese cake 好軟熟，唔算太硬。食到中間會有藍莓粒，味道配搭得幾好，但筆者唔太鐘意有碎粒既效果，用藍莓醬效果會好d

食到最後大家都好滿足，情調幾好。係同女伴食飯唔錯既選擇