大滿足工廈西餐 - K2 kitchen
因為要係附近攞貨過去左觀塘。一早聽過觀塘d 工廈野食唔錯，今次就揀左呢間有情調d 既。
餐廳暗暗地又不太黑，幾有氣氛
菜式選擇很多，單點菜式可以加錢轉套餐
前菜有巴拿馬火腿。呢個係凍食既肉，肉質同午餐肉相反，口感非常結實，有肉味但不會太濃太咸。
加$20 可以另外要多個煙燻三文魚。筆者超愛三文魚，所以又豈能錯過呢？
餐廳每日都會有唔同既廚師餐湯，今次呢個係南瓜湯，入面加左d 有青檸味既泡泡，效果幾特别
另外有蟹肉粟米茸湯，味道清甜。
主菜方面，經理推介了澳州M6和牛。肉質比想像中要鬆軟鮮嫩，雖然表面煎得有d 過火，脆口既表面加上內裡的鬆軟鮮肉，令人一試難忘！
和牛好厚身好大塊！
呢個威靈頓牛柳亦係經理推薦既，係用一陣酥皮包住牛柳烤焗而成，裡面仲有火腿同蘑菇醬，用料好豐富。
又到甜品時間！今次諗住健康d 叫個抹茶雪糕伴焦糖水果，點知都係好heavy > < 抹茶雪糕個味唔算好濃，不過好快就會溶，所以要快d 食。雪糕下面都有好多水果，士多啤梨，提子咁，總算有番d 水果，叫做健康少少咁 LOL
最後飲番個蘋果特飲，大滿足既一餐工廈西餐
Comments
Post a Comment